Pickimet e mushkonjave shkaktojnë jo vetëm bezdisje, por edhe kruarje, të cilat shpesh sjellin infeksione. Ndonjëherë, kafshimet e mushkonjave dhe nga insekte të tjera, mund të shkaktojnë reaksione alergjike. Nëse keni probleme të frymëmarrjes, enjtje në zonën e pickuar, të përziera, të vjella apo marrje mendsh, duhet të konsultoheni patjetër me një mjek. Megjithatë ka disa truke të vogla që ju ndihmojnë t’i hiqni qafe.
Era e hudhrave– Kjo është një aromë që mushkonjat nuk e durojnë dot. Vaji i hudhrës është një tjetër zgjidhje në këtë rast.
Limoni- Mundohuni të lini feta limoni në tryezën e verandës suaj. Edhe limoni do të bëjë që mushkonjat të mos afrohen.
Disa pika livando- Shumica e njerëzve mund ta pëlqejnë aromën e livandos, por mushkonjat e urrejnë atë. Për t’i mbajtur ato larg shtëpisë tuaj, hidhni disa pika livando në një copë dhe vareni në derën që mbani hapur, apo dritare.
