Edhe kjo fundjavë është favorizuese për të zgjedhur bregdetin. Meteorologët nuk parashikojnë ndryshime të kushteve atmosferike, me temperatura në mesditë që shkojnë deri në 30 gradë.
Pavarësisht kësaj, nuk përjashtohet mundësia që disa qarqe të preken nga shirat, kryesisht në orët e pasdites.
Dita e diel sjell fuqizim të vranësirave dhe shira në pjesën më të madhe të vendit, përjashtuar ekstremin jugperëndimor, i cili do të mbetet me kthjellime dhe vranësira të shpeshta.
Ndërsa fillimi i javës, dita e hënë, paraqitet me vranësira dhe shira në gjithë territorin, më të konsiderueshëm në qendër dhe zonat juglindore. Temperaturat e ajrit do të sjellin rënie të lehtë dhe graduale, kur pritet një rënie me të paktën 3°C në të gjithë territorin, duke bërë që vlerat ekstreme në rang Shqipërie të luhaten nga 9 në 31°C.
