Më herët ditën e sotme u njoftua se këngëtarja e njohur Linda Halimi, ishte tërhequr nga gara e “Këngës Magjike”.
Këtë lajm e ka konfirmuar tashmë vetë këngëtarja duke dhënë edhe arsyet që e detyruan të marrë këtë vendim. Në një prononcim për “Iconstyle”, ajo tha se arsyeja pse kishte hequr dorë është vajza e saj e vogël dhe rruga e gjatë.
“Rruga e gjatë, kam gocën e vogël. E mora me shumë qejf, por s’mund të vij këtë vit. Rëndësi ka që kënga ime u lançua dhe u kënaqa shumë kur isha javën e kaluar”, tha këngëtarja.
Kujtojmë se Linda jeton prej vitesh tashmë në Amerikë, me bashkëshortin e saj dhe vajzën e saj të vogël. Këngëtarja u rikthye në festivalin “Kënga Magjike”, pas 9 vitesh mungesë.
