Këngëtarja e njohur shqiptare Rona Nishliu është bërë nënë për herë të parë, më 19 korrik, por ditën e sotme ajo ka publikuar foton e parë. Rona ka sjellë në jetë një vajzë, të cilën ka vendosur ta quajë Noa.
Bashkangjitur fotos së postuar në rrjetin e saj social “Instagram”, Rona përshkruan ndjesinë unike.
“Ndjenja më përmbushëse dhe më kuptimplotë deri më sot! Më 19.07.2019, në duart tona erdhi Noa. Gjithë këto ditë nuk po gjej fjalët e duhura që të shpreh gëzimin tim për bekimin më të rëndësishëm në jetë”, shkruan këngëtarja.
Kujtojmë se këngëtarja është martuar në muajin shtator me Florin, një djalë nga Tirana, me të cilin kishte 5 vite lidhje.
