Këngëtarja me famë botërore Dua Lipa në një intervistë për “New Musical Express” ka folur si rrallëherë për shëndetin mendor, se si shumica e artistëve, kryesisht artistet femra që janë në industrinë e muzikës bien pre e sëmundjeve të rënda që lidhen me shëndetin mendor.
Ylli i muzikës me origjinë shqiptare, ndër të tjera theksoi: “Është i dhimbshëm dhe ironik në të njëjtën kohë fakti që muzika ka aq fuqi sa të na bëjë të lumtur, por këngëtarët vetë në shumicën e rasteve mund të përjetojnë probleme që lidhen me shëndetin mendor. Unë kam pasur shumë benefite nga kjo industri, por shoh rreth meje çdo ditë njerëz që vuajnë; frikën nga dështimi, vetminë dhe presionin intensiv të rrjeteve sociale dhe kjo ndodh më shumë tek artistet femra. Është koha që industria e muzikës të ngrejë zërin me seriozitet lidhur me problemet mendore të artistëve”. /TIRANA TODAY
