Këngëtarja Irma Libohova ka ndarë me publikun disa detaje nga jeta e saj personale. Si rrallë herë, ajo ka folur për dashurinë e cila u konkretizua në martesë. Irma Libohova ka qënë e ftuar sot në emisionin ‘E Diell’, ku ka folur për jetën dhe karrierën e saj gati 40-vjeçare, ku midis të tjerash është pyetur rreth dasmës së saj. Ajo shprehet se ka kënduar vetë si në darkën e familjes së saj, por edhe të bashkëshortit.
“Jam martuar në 82-shin dhe e shikoj që nuk kam pasur emocione si nuse, kurse ai ka pasur, me cigare në dorë. Unë kam kënduar vetë në dasmën time edhe tek familja e burrit dhe tek e imja.
Kam qenë në estradë të shtetit në atë kohë. Nuk ka qenë dasmë muzikë për muzikë sepse nuk kishte këngëtarë, dikur merrnim vetëm orkestra, ata erdhën më vonë. Ishte një familje burrash, kur shkova nuse ishte vjehrra ime. Lindi dhe çuni më pas, e aq ishim gra. Besniku ka qenë njeri shumë i ndjeshëm si natyrë, inteligjent dhe shumë gjëra nuk i shfaqte i përtypte, ndërkohë që unë kam qenë një tjetër natyrë, ishte burrë i zgjuar”, tha ajo.
