Këngëtarja britanike me famë botërore Emeli Sande, që sonte do të jetë në Tiranë, i kanë vjedhur 300 mijë Paund nga llogaria bankare.
“Th Sun”, bën të ditur se këngëtarja e njohur dhe ish-bashkëshorti i saj ranë pre e një skeme të vjedhjes online.
Por, fatmirësisht çështja u zgjidh dhe autoritetet britanike në Londër zbuluan autorin e dyshuar, që është Rasad Salam. Ngjarja ka ndodhur para disa ditësh, por është zbuluar sot nga mediat britanike.
Ndër të tjera media bën të ditur se edhe ish-bashkëshorti i këngëtares, Adam Gouraguine ishte vënë në shënjestër të hajdutëve, ku thuhet se kanë përdorën të dhënat personale të llogarisë bankare të tij dhe transferuan 300 mijë Paund.
Ndërkohë, Gouraguine ka qenë i vëmendshëm dhe ka vënë re lëvizjen e dyshimtë të parave dhe kontaktoi menjëherë me bankën.
Autoritetet kanë qenë të gatshme dhe janë vunë në lëvizje dhe zbuluan skemën mashtruese, duke ndaluar vjedhjen e parave. Këngëtarja Emeli Sande dhe ish-bashkëshorti i saj janë ndarë përpara një viti, por ende kanë një llogari të përbashkët bankare.
Sot u zhvillua seanca gjyqësore ndaj autorit të dyshuar, ku u zbulua se ai kishte vjedhur në total 10 llogari bankare përmes skemave mashtruese. Emeli Sande sonte do të vijë në Tiranë ku do të performojë në aktivitetin e organizuar nga Qeveria dhe Bashkia Tiranë për “Natën e Bardhë”. TIRANA TODAY
