Në një prononcim pas mbledhjes së kryesisë së PS, Elisa Spiropali tha se janë shkarkuar 11 kryetarë të PS në rrethe, për neglizhencë. Deputetja e PS u shpreh se ka një degradim të marrëdhënies pushtet lokal me qytetarët. Po kështu, po bëhet një analizë e punës së drejtorëve dhe qeverisjes në territor.
Ajo tha se janë shkarkuar kryetarë degësh të PS, por nuk bëri të ditur emrat e tyre.“Ka një degradim të marrëdhënies pushtet lokal-qytetarë, dhe po bëhet analizë e punës së drejtorëve dhe e qeverisjes në territor. Ne kemi shkarkuar kryetarë degësh të PS, por nuk e kam listën. Ajo do bëhet prezente më vonë”, tha Spiropali.
Rama u shpreh dje i shqetësuar në mbledhjen e grupit parlamentar, për shkak se sipas tij, disa drejtorë po i nxijnë faqen qeverisë.
‘’Kemi ca drejtorë legena, që po na nxijnë fytyrën me korrupsion e keqmenaxhim”, është shprehur Rama.
Burimet bëjnë me dije se janë shkarkuar 11 drejtues të degëve të PS-së në rrethe, po ende nuk janë bërë publik emrat e tyre.
Këto zhvillime në selinë rozë vijnë dy ditë pas arrestimeve të bujshme të policisë, ku në pranga ranë dhe dy ish-deputet socialistë.
https://tiranatoday.com/rama-ve-ne-rresht-te-cdo-behet-me-drejtoret/
