Analisti i njohur, Andi Bushati e përkufizoi situatën politke në Partinë Demokratike si një këmbanë alarmi, pasi edhe pse kryetari i zgjedhur Lulzim Basha humbi zgjedhjet e 25 prillit, ai fitoi në votimet e 13 qershorit me 81% të votave.
Deklarata e Bushatit u bë mbrëmjen e sotme në emisionin ”Open” në Top Channel. Sipas Bushatit, PD është një parti duke vdekur, për shkak se pranon kryesimin e një njeriu që e çon nga humbja në humbje.
Andi Bushati: Duke dëgjuar Salianjin, mu duk sikur kishte vjedhur fjalorin e Edi Ramës për 25 prillin. Pra, të njëjtën mbrojtje që bënte Edi Rama me këtë bashkimin në fund se kështu tha dhe ai të bashkohemi me opozitën, duken se ata që kanë humbur janë pak emocional po do i dalë ky emocioni. Në fakt, nuk dua të merrem me gjithë këto akuzat siç tha Salianji pa fakte. As maskaradë, as mungesë në lista, as kohë e shkurtër. Për të vënë pikat mbi “i”, na mjafton vetëm një gjë.
Si ka mundësi që një kryetar partie, i cili është në humbjen e madhe elektorale të tretë radhazi, jo vetëm fiton prap por me 81%. Vetëm këtu duhet kapur diçka që të na trokasi. Ose PD është një parti jo në letargji, por duke vdekur dhe pranon kryesimin e një njeriu që e çon nga humbja në humbje, ose këto zgjedhje ka pasur diçka që ka kërcitur sepse ndoshta këtu mjedisi është çuditur se në partitë tona që në vitet 2000, nuk kemi pasur gara në parti. Të jemi në pikën kur PD është telendisur, është shkatërruar thoni po të doni dhe kryetari i vetëm rrit mbështetjen brenda partisë, ka diçka që do të na bënte t’i binim kambanave të alarmit.
