Tenistja e njohur Serena Williams është bërë nënë për herë të parë. Ajo ka sjellë në jetë vajzën e saj të vogël. Ndoshta tani e ka kuptuar se ç’do të thotë jesh nënë, dhe në këtë kohë që po shijon mëmësinë, ajo i ka dedikuar një shkrim nënës së saj.
“Ne nuk dukemi të gjithë njësoj”, kjo është tema që ka zgjedhur Serena të shkruaj nisur nga eksperienca e saj, të gjitha fjalët që ka dëgjuar për lëkurën dhe format trupore që ajo ka.
“Ke trup si burrë”, “pi drogë”, apo ngacmime të tjera për faktin që ajo ishte e zezë, të gjitha këto kritika, por edhe shumë të tjera Serena ka zgjedhur që t’u përgjigjet nëpërmjet këtij shkrimi:
“Po shikoja vajzën time (oh Zot, unë kam një vajzë), ajo ka këmbët dhe duart si unë. Ekzaktësisht si unë: të forta, muskulare, të fuqishme, sensuale. Nuk e di si do të reagoja nëse asaj do i duhet të kalojë pikërisht atë që kam kaluar unë që në moshën 15 vjeçare deri në ditët e sotme. Unë jam quajtur “burrë” sepse dukesha jashtëzakonisht shumë e fortë. Më kanë akuzuar se kam përdorur drogë (Jo nuk kam dashur asnjëherë të bëj gjëra të gabuara). Është thënë që unë nuk duhet të jem pjesë në tenisin për femra, por për meshkuj sepse unë dukem më shumë si mashkull. Unë kam lindur me këtë trup të jashtëzakonshëm dhe jam krenare për këtë: faleminderit mami. Unë nuk e di se si disa gazetarë, njerëz ishin aq injorantë sa nuk e kuptonin fuqinë e një gruaje të zezë. Ne nuk dukemi asnjë njësoj. Të gjata të shkurtra, muskuloze: të gjitha jemi gra dhe duhet të jemi krenare për këtë. Shpresoj që t’i mësoj vajzës sime të njëjtën gjë. Më premto mami që do të më ndihmosh ta duaj trupin e saj. Nuk jam e sigurt nëse do të jem aq e fortë sa ti. Shpresoj që të jem si ti një ditë. Të dua e dashur”, shkruan Serena.
