Komisioni Evropian ka publikuar raportin “Bashkëfinancimi i Projekteve të Investimeve në Ballkanin Perëndimor 2017”, ku jepen detaje të vendimeve të marra në Samitin e Triestes.
Në këtë raport, Komisioni Evropian konfirmon edhe njëherë atë që përflitej pas Samitit të Triestes, se Shqipëria nuk ka përfituar asnjë projekt, ndryshe nga 4 shtetet e tjera të Ballkanit Perëndimor.
Ky raport nis me përmbledhjen e 7 projekteve të fituara, ndër të cilat 6 në transport dhe 1 në sektorin e energjisë.
Siç duket nga tabela e mëposhtme, Shqipëria dhe Kosova nuk kanë paraqitur dhe për rrjedhojë nuk kanë fituar asnjë projekt; Bosnje dhe Hercegovina ka siguruar mbështetje me grante për 4 projekte, Serbia për 2 projekte, ndërsa Mali i Zi për një të tillë.
Vlera e këtyre projekteve përllogaritet të jetë 538.5 milionë euro, ndërsa konkretisht mbështeten me grante projektet e mëposhtme:
Projekti i Energjisë, inter-konjeksioni i gazit: Serbi-Bullgari
Korridori i Mesdheut: Segmenti Ponirak – Vraca/Zenica Tunnel
Korridori i Mesdheut: Bosnjë dhe Hercegovina – Kroacia CVc Road Interconnection Interconnection II
Korridori i Mesdheut: Bosnjë dhe Hercegovina – Kroacia CVc Road Interconnection III
Korridori i Danubit: Bosnja dhe Hercegovina – Serbia – Kroacia
Korridori Lindje-Mesdhe: Interkonjeksioni hekurudhor Maqedoni-Bullgari
Korridori Lindje-Mesdhe: Interkonjeksioni hekurudhor Serbi – Bullgari
Më tej raporti vijon me vlerësimin e përqindjes së shtuar të potencialit hidroenergjetik:
Kosova dhe Shqipëria kanë sërish vlerën më të vogël, përkatësisht 0.5% dhe 9.6%, ndërsa vlerën më të madhe e mban Bosnja dhe Hercegovina me 39.3%.
Për sa u përket granteve të Bashkimit Evropian krahasuar me investimet në shtetet përfituese (2015-2017), ato përmblidhen si në tabelën më poshtë, ku Shqipëria ka marrë vlerën më të ulët të grantit (50.2 milionë euro), pas Malit të Zi:
Connectivity Agenda 2017-Trieste Summit by Tirana Today on Scribd
