Ambasadorja e Bashkimit Evropian ka folur sot gjatë prezantimit të agjentëve të FBI-së në operacionin më të fundit për luftën ndaj krimit. Me tone të forta Vlahutin ka kritikuar institucionet që luftojnë krimin në vend.
Sipas saj, kriminelët nuk janë njerëz të zgjuar dhe s’kanë vlera morale, ndja dhe duhen luftuar, duke shtuar se në Shqipëri krimi ka sjellë kosto të madhe.
“Sot ka nga ata që shesin Atdheun për shtëpinë, janë pak nuk kanë turp dhe moral dhe as respekt për këtë vend që u dha jetën. Krimi i organizuar ekziston në shumë vende dhe nuk do t’ia dijë për asgjë, por në shumicën e vendeve jepet përgjigje e fortë, e ashpër dhe e prekshme nga gjyqësori dhe këtu është dallim, diferenca që institucionet të luftojnë krimin, pasi që të jesh kriminel nuk do të thotë që të jesh më i zgjuari, nuk besoj dot kurrë që të jenë më të forta se institucionet e një demokracie, vendi juaj nuk e meriton të asociohet me të tillë, shqiptarët janë të zgjuar, krimi sjell kosto shumë të madhe në ekonomi. Shpresoj me gjithë zemër që të kem të drejtë, e uroj ministren, dhe gjithë ata që janë të ndershëm në polici që duan të bëjnë gjënë e duhur që duan të tregojnë se kanë vullnet të mbrojnë ligjin. Ne nuk jemi prokurorë, nuk e bëjmë dot punën tuaj për ju, por jemi aleatët dhe partnerët, do tju ndihmojmë dhe monitorojmë,”- tha Vlahutin.
