Analisti Mustafa Nano ka sqaruar edhe një herë sherrin me kreun e LZHK, Dashamir Shehi pak ditë më parë në emisionin ‘Opinion’, në tv Klan.
Gjatë një interviste për gazetarin Roland Qafoku, analisti Mustafa Nano ka sqaruar edhe njëherë përplasjen me kren e LZHK, Dashamir Shehin pak ditë më parë në ‘Opinion’, duke thënë se nuk deshi ta fyente kur i’u përgjigj nëse kishte pirë ndonjë gotë raki para se të vinte në emision
“Në një debat që pata me Dash Shehin, te Fevziu, ai më tha gjatë publicitetit përse i kisha thënë që pi raki se edhe unë mund të thosha gay. Një keqkuptim kolosal. Ti mund të ma thuash gjithë ditën mua gay dhe unë nuk fyhem. E para unë nuk jam gay, por edhe sikur të isha nuk fyhem. Unë nuk ia thashë për ta fyer Dashin se pija nuk është mëkat. Mua nuk më shqetëson që më thonë gay. Mua më shqetësojnë kur më thonë renegat, tradhtar, i poshtër, apo gazetar i Ramës dhe që më ikën truri. Por kur më thonë gay, jo”, tha Nano.
Debati u nis nga Nano, që në diskutim e sipër, iu drejtua me shprehjen ‘A ke pirë naj gotë?”, gjë që më pas ngjalli reagimin e Shehit. Ish deputeti e konsideroi Nanon “bandë të legenëve të Ramës dhe zgjebs”.
