Nga: Ben Blushi
Katerina Zoton e njoha në instagram. Kishte veshur një fustan të gjerë me lule. I nisa një sms.
Mund të të fotografoj?
Me shumë kënaqësi, tha
A do e veshësh fustanin që pashë në instagram?
Sigurisht, tha Katerina
Na duhet dhe një pasqyrë, thashë unë
Do ta gjejmë, tha Katerina
Je shumë e bindur, i thashë
Jam nga Korça, tha, Katerina
Edhe unë nga Korça jam, thashë unë
E di, tha Katerina
Ku i keni shtëpitë në Korçë?
Pranë stacionit të Maliqit, tha Katerina
Po babai me çfarë është marrë?
Ka patur një mobileri
Me siguri do ketë votuar për mua, thashë unë
Babai na ka lënë, tha Katerina
Po mamaja me kë jeton?
Me mamanë e babait
Çfarë shkolle ke bërë?
Inxhinjeri tekstile
Dhe si u bëre stiliste?
Ishte pasioni im, tha Katerina
Sa vjet ke që ke hapur këtë studio?
7 vjet
Sa veshje mund të kesh qepur?
Më shumë se 7 mijë, tha Katerina
Pra ti qep tre fustane në ditë, thashë unë
Patjetër, tha Katerina
Vetëm për gra qep?
Vetëm për gra
Pse jo dhe për burra?
Gratë janë të guximshme, burrat janë të ngurtë
Si quhet stili jot?
Romantik, kurajoz, voluminoz
Në çfarë masash qep?
S M L
Çfarë është S M L?
Small, Medium, Large
Pra ti qep veshje që u bëjnë të gjitha grave?
Unë punoj online se ato nuk vijnë dot këtu për të marrë masat
Si vishen shqiptaret?
Shkojnë pas dukjes, jo pas materialit të mirë
Po kush mendon se vishen më mirë në botë?
Italianet, tha Katerina
Jeton vetëm në Tiranë?
Jam e fejuar, tha Katerina
Kur do martohesh?
Në gusht të këtij viti
Do martohesh se e dashuron?
Sepse ka ardhur koha, tha Katerina
Sa vjet keni bashkë?
10 vjet,
Paska ardhur koha, thashë unë
Kishte ardhur, tha Katerina
Ç’a pune bën ai djali?
Klarinetist, tha Katerina
Duhet të bëjë shumë zhurmë, i thashë
Tani punon design është i qetë, tha Katerina
Fustanin e dasmës do ta qepësh vetë?
Kam filluar, kam qepur tre
Sa fustane dasme do qepësh?
Besoj se 10, tha Katerina
Kaq shumë fustane për një ditë, e pyeta
Ca do ti vesh, ca do ti shes,
Do shesësh fustanin e dasmës ?
Pse jo, tha Katerina, unë këtë punë bëj
Më thuaj një VIP që ke veshur?
Nuk punoj me VIPA,
Çfarë ke me VIPAT ?
Ata bëjnë vetëm tag në instagram
Pra nuk duan të paguajnë, thashë unë
Nuk paguajnë, tha Katerina, VIPAT mendojnë se bota rrotullohet rreth tyre
Ke të drejtë, thashë unë
