Pas protestës katër ditore të banorëve të zonës së Rinasit, mëngjesin e sotëm është rikthyer sërish qarkullimi në këtë aks me dy korsi. Teksa ishin në protestë këtë të enjte, banorët kanë marrë njoftim se ARRSH ka vendosur të hapë rrugën për ta siç ka qenë. Lajmi për hapjen e rrugës është pritur me duartrokitje nga banorët dhe deputetët e PD-së, që ishin të pranishëm në mbështetje të protestuesve.
Njoftimi
Kthehet në gjendjen e mëparshme Rruga e Rinasit, qarkullimi do të vijojë me dy sense lëvizjeje deri në një zgjidhje përfundimtare me qëllim lehtësimin e trafikut në segmentin Qafë Kashar-Rrethrrotullimi i Rinasit-Ahmetaq.
Apel ynë për të gjithë drejtuesit e mjeteve që vijnë nga veriu të përdorin akset alternative për të mos rënduar trafikun në rrugën që të çon drejt aeroportit të Rinasit.
Udhëtarë/turistët që marrin fluturimet të marrin në konsideratë fluksin e lartë të mjeteve në këtë aks duke përllogaritur orarin e nisjes.
