Dëshmitarë në vendin e ngjarjes kur u ekzekutua Kastriot Reçi, ngrenë dyshime se mund të jetë qëlluar me snajper. Kjo, pasi askush nuk ka dëgjuar zhurmë arme, ndërsa në vendin e ngjarjes nuk ka njolla të shumta gjaku.
Policia ka shoqëruar disa persona që dyshohet se kanë dijeni mbi ngjarjen, dhe ka sekuestruar pamjet nga kamerat e sigurisë të bizneseve që ndodhen aty pranë.
Në vendin e ngjarjes është gjetur vetëm një plumb, dhe për shkak të precizionit të vrasjes, grupi hetimor dyshon se ekzekutimi është bërë nga vrasës profesionistë. Dyshohet se autorët e kanë ndjekur dhe kanë ditur lëvizjen që do kryente viktima, shkruan “BalkanWeb”.
Pista e parë ku po heton policia është për hakmarrje. Dy vite me parë, 47-vjeçarit i kane vrarë edhe vëllanë në Itali.
Po ashtu, janë ngritur pika kontrolli në Rrëshen dhe në dalje të qytetit për identifikimin dhe kapjen e autorëve.
