Komisioni i Ankimimeve dhe Sanksioneve (KAS), ditën e sotme hodhi shortin për caktimin e relatorëve të kërkesave ankimore të depozituara në KQZ, nga partitë politike për zgjedhjet parlamentare të 25 prillit.
Ndërkohë, ditën e martë, do të hidhet shorti për caktimin e relatorëve për kërkesat ankimore të depozituara sot në KQZ, konkretisht, KA nr. 47, nr. 48, nr. 49 dhe nr. 50.
Njoftimi i KAS
Sot, Komisioni i Ankimimeve dhe Sanksioneve hodhi shortin për caktimin e relatorëve të kërkesave ankimore të depozituara në KQZ. Rezultatet e shortit përcaktuan:
– Relator i kërkesave nr. 40, nr. 36 dhe nr. 38 është z. Elvin Lako.
– Relator i kërkesave nr. 43, nr. 46 dhe nr. 34 është z. Elvis Cefa.
– Relator i kërkesave nr. 42, nr. 45 dhe nr. 44 është z. Ilirjan Rusmali.
– Relator i kërkesave nr. 37, nr. 41 dhe nr. 35 është z. Koli Bele.
– Relator i kërkesave nr. 32, nr. 33 dhe nr. 39 është z. Ledio Braho.
Ditën e Martë, dt. 11.05.2021 në orën 09:00 do të hidhet shorti për caktimin e relatorëve për kërkesat ankimore të depozituara sot në KQZ, KA nr. 47, nr. 48, nr. 49 dhe nr. 50.
Zgjedhjet parlamentare të 25 prillit u fituan nga Partia Socialiste, e cila siguroi 74 mandate dhe do të qeverisë sërish e vetme në 4 vitet e ardhshme.
Por, rezultati nuk është pranuar nga opozita, pasi sipas saj zgjedhjet e manipuluan nga mazhoranca, dhe pati blerje masive të votës.
Për këtë asrye, Partia Demokratike ka dorëzuar dje në KAS dosjet voluminoze me ankesat për parregullsi në procesin zgjedhor të 25 prillit në 9 qarqe.
Ndërkohë, Lëvizja Socialiste për Integrim ka kërkuar përsëritjen e zgjedhjeve në qarkun e Beratit, dhe rinumërim në disa qarqe të tjera.
