Shqiptari Karl Gega, ka hyrë në histori si një nga inxhinerët pionerë të hapjes së tuneleve në veprat e mëdha infrastrukturore. Ai lindi në vitin 1802 në Venecia të Italisë, ndërsa të parët e tij kishin emigruar nga Shqipëria e Veriut pas vdekjes së Skënderbeut dhe pushtimit osman.
Pasi u diplomua në Universitetin e Padovës për inxhinieri, nisi të drejtojë projektet e shtrimit të rrugëve, kanaleve dhe godinave të mëdha. Në vitin 1850, emërohet drejtor i drejtorisë së përgjithshme për ndërtimin e hekurudhave shtetërore në Vjenë. Ai mori përsipër ndërtimin e linjës hekurudhore të Zemeringut në një zonë të thellë malore. Kjo vepër, kërkonte ndërtimin e tuneli 1.4 kilometra të gjatë.
Projekti u kundërshtua nga shumë specialistë, për shkak të vështirësive teknike. Në kulmin e punimeve Gega u caktua në një detyrë tjetër, çka e shqetësoi se tepërmi inxhinierin, që i frikësohej një komploti. Ai ndodhej në Vjenë kur dikush i tha se dy anët e kundërta të tunelit, kishin devijuar gjatë shpimit pa u takuar.
I lënduan në sedër, dhe duke imagjinuar talljen nga kundërshtarët Karl Gega i dha fund jetës duke u vetëvrarë. Pak ditë më vonë erdhi lajmi se tuneli i Zemeringut ishte hapur me sukses. Për kontributin e tij Karl Gega u vendos të prehet në panteonin e njerëzve të mëdhenj, krahas kompozitorit të famshëm austriak Mozart.
