Vijon të mos ketë një zgjidhje situata me emigrantët shqiptarë të bllokuar në Kapshticë.
Mësohet se situata është tensionuar më shumë, pasi dy gra dhe një burrë kanë shfaqur probleme shëndetësore.
Rreth 50 emigrantë shqiptarë ndodhen prej 2 ditësh të bllokuar mes Shqipërisë dhe Greqisë në Kapshticë. Ata nuk lejohen as të hyjnë në atdheun e tyre dhe as të kthehen andej nga erdhën, nga Greqia.
Emigrantët janë detyruar të bllokojnë kamionët e mallrave si shenjë proteste për të ardhur në Shqipëri. Ndërkohë raportohet se një ambulancë është nisur nga Bilishti, për të monitoruar situatën shëndetësore të atyre që kanë shfaqur probleme.
