Europol ka përshëndetur aksionin e Policisë së Shtetit pas kapjes së 613 kg kokainë ditën e djeshme. Droga ishte fshehur në një kontenjer, i cili ishte i ngarkuar me banane dhe ishte nisur nga Kolumbia. Droga e kapur është një sasi rekord, që ka mundur të kapë policia shqiptare.
Përmes një postimi në “Twitter”, Europol ka përshëndetur Policinë e Shtetit si dhe ministrin e Brendshëm Fatmir Xhafaj. Mes të tjerash EUROPOl jep mesazh të qartë; ‘të fortë së bashku në luftën kundër krimit të organizuar’.
“Përgëzime Policisë së Shtetit, Punëve të Brendshme, Fatmir Xhafajt, për kapjen e një sasie rekord të kokainës mbi 613 kg në Durrës, me një vlerë prej 180 milionë euro. #tëfortësëbashku në luftën kundër krimit të organizuar”, shkruan Europol.
