Kryeprokurori i Kosovës, Aleksandër Lumezi ka dhënë detaje në lidhje me sekuestrimin e 400 kilogram kokainë në qytetin e Lipjanit.
Gjatë një konference për mediat, Lumerzi u shpreh se vlera e drogës kapte shifrat e 20 milionë eurove nëse do të dilte për shitje në treg.
Ndër të tjera, ai tha se aksioni është bërë në bashkëpunim të ngushtë me autoritetet e Shqipërisë dhe shtetit të Italisë.
Aleksandër Lumezi: “Policia e Kosovës, në bashkëpunim të ngushtë me policinë, autoritet italiane dhe auto amerikane. Janë konfiskuar 400 kg kokainë vlera e të cilave arrinë rreth 20 milionë euro. Po ashtu janë konfiskuar disa makina dhe mjete tjera. Gjatë hetimit janë përdorur masa të fshehta duke shikuar lëvizjen e të dyshuarve nga Italia deri në vendin tonë. Ju dërgojmë mesazh të qartë të gjitha grupeve kriminale se do të përballen me drejtësinë. Jemi të vetëdijshëm se nuk mund të luftohen nga një shtet i vetëm. Ashtu kemi bashkëpunuar me shtete tjera duke e ditur se krimi mund të na prek të gjithëve. kemi arritur të mposhtim krimin e organizuar. Më lini të falënderoj prokurorët e Shqipërisë, Prokurorët Italianë, policinë shqiptare dhe policinë e Italisë”.
Kompania e trasportit, me filial në Kosovë dhe Shqipëri
Kamioni në të cilën u kap sasia e konsiderueshme, është në pronësi të kompanisë “MC Foods”. Kjo kompani ka seli në Kosovë por edhe në Kavajë, teksa rezulton të jetë në pronësi të dy biznesmenëve, Izet Sheqiri nga Kosova dhe Bledar Habili nga Shqipëria.
Sasia e kokainës u sekuestrua nga Policia e Kosovës, në një depo në Lipjan. Sasia e drogës që është transportuar përmes portit të Durrësit, raportohet të jetë 2.2 tonë që kap vlerën e mbi 6 miliardë eurove.
Si u bë e mundur sekuestrimi i kokainës?
Kamioni ishte i mbushur me mish, ku pakove dhe kontenierëve u është vendosur çip. Me të mbërritur konteineri në Durrës, policia shqiptare ka konstatuar drogën, por nuk ka ndërhyrë duke e lejuar që të kryheshin procedurat, për të zbuluar se cili do të ishte destinacioni final i tij. Më tej është njoftuar edhe policia e Kosovës, e cila ka ndërhyrë, duke bërë edhe sekuestrimin e sasisë së madhe të drogës.
Operacioni për sekuestrimin e kësaj ngarkese të konsiderueshme lënde narkotike është kryer në bashkëpunim nga policia shqiptare, kosovare dhe ajo italiane, të cilët janë sinjalizuar nga DEA amerikane.
