Një 47-vjeçare është vënë në pranga, e ndërsa djali i saj 27 vjeç është shpallur në kërkim, pasi posedonin një sasi të konsiderueshme lënde narkotike. Nga policia e Krujës është finalizuar operacioni i koduar “Noja”, ku dhe janë sekuestruar në cilësinë e provës materiale 16 kg drogë.
Pas informacioneve të grumbulluara se në një banesë, në fshatin Nuaj kishte lëndë narkotike, policia organizoi operacionin “Noja”. Po kështu u procedua penalisht në gjendje të lirë edhe shtetasi Xh. M., 73 vjeç, banues në Krujë.
Gjatë kontrollit në banesën e tyre, policia gjeti 16 kg lëndë narkotike, e dyshuar si cannabis sativa.
Njoftimi i policisë
Krujë
Goditet një tjetër rast i prodhimit dhe shitjes së narkotikëve.
Finalizohet nga Policia e Krujës, në bashkëpunim me SHÇBA-në operacioni policor antidrogë i koduar “Noja”.
Sekuestrohen 16 kg lëndë narkotike e llojit Cannabis sativa.
Arrestohet në flagrancë poseduesja e lëndës narkotike dhe shpallet në kërkim djali i saj.
Specialistët për Hetimin e Krimeve në Komisariatin e Policisë Krujë, në bashkëpunim me SHÇBA-në në DVP Durrës, pas informacioneve të grumbulluara se në një banesë, në fshatin Nuaj kishte lëndë narkotike organizuan dhe zhvilluan operacionin policor të koduar “Noja”.
Si rezultat i operacionit u arrestua në flagrancë shtetasja:
- M., 47 vjeçe, banuese në Krujë dhe u shpall në kërkim djali i saj shtetasi C. M., 27 vjeç.
Gjithashtu u procedua penalisht në gjendje të lirë edhe shtetasi Xh. M., 73 vjeç, banues në Krujë.
Gjatë kontrollit në banesën e tyre, shërbimet e Policisë gjetën dhe sekuestruan në cilësinë e provës materiale 16 kg lëndë narkotike, e dyshuar si Cannabis sativa.
Materialet i kaluan Prokurorisë së Rrethit Gjyqësor Krujë, për veprën penale “Prodhimi dhe shitja e narkotikëve”, e kryer në bashkëpunim.
