Familjarët e të burgosurve shpesh tentojnë që t’u fusin në qeli celularë. Shpesh policia u’a ka gjetur pas një kontrolli të imtësisht të kryer tek ushqimet që u’a sjellin, apo dhe në tenxhere, ku janë modifikuar mësë miri.
Por sot një tjetër tentativë ka dështuar, për të futur në qeli një celular. Në burgun e Lezhës është gjetur një pëllumb, ku në kurrizin e tij, midis flatrave kishte të lidhur një qese të zezë ku në brendësi të saj u gjet një telefon celular, dy skeda SIM dhe një karikues. Policia e Burgjeve dhe SHKBB, menjëherë kryen veprimet procedurale për zbardhjen e ngjarjes.
