Në kufirin greko-shqiptar janë kapur rreth 49 kg marijuanë dhe 1 kallashnikov. Operacioni u zhvillua sot në orët e para në një zonë pyjore në Delvinaqi të Janinës.
Policia greke ka vënë në pranga një 37-vjeçar shqiptar. Ai ishte duke transportuar 3 çanta me 12 pako që përmbanin 48 kg e 900 gramë marijuanë.
Gjithashtu shqiptarit i është sekuestruar edhe një armë zjarri tip Kallashnikov me bajonetë dhe një krehër me 29 fishekë, si dhe dy telefona celularë.
Në momentin kur vu nën pranga shqiptari ishte duke pritur mjetin që do vinte të merrte drogën.
