Në sajë të operacionit të koduar “Telekomanda”, policia e Lezhës ka bërë të mundur arrestimin e shtetasit Endrit Vejsiu, 29-vjeç, nga Tirana. Pas një kontrolli të ushtruar nga ana e policisë, i janë gjetur në mjetin e tij tip ‘Opel’, në një gomë rezervë në bagazh, 4 mina me telekomandë.
Burime zyrtare të policisë shtojnë se minat ishin të paketuara me nga dy cilindra materiali të ngurtë, të mbështjellë me natriban, të dyshuara lëndë plasëse e llojit TNT. Po kështu, këtij shtetasi iu gjetën edhe rreth 3 kilogramë lëndë e dyshuar narkotike kanabis sativa, e paketuar gati për shitje.
“Si rezultat, u bë i mundur kapja e shtetasit Endrit Vejsiu, 29 vjeç, nga Tirana, pasi në aksin rrugor Milot – Lezhë, në kryqëzimin e Shënkollit, në mjetin e tij tip ‘Opel’ në një gomë rezervë në bagazh, u gjetën të fshehura 4 mina me telekomandë.
Ato ishin të paketuara me nga dy cilindra materiali të ngurtë të mbështjellë me natriban, të dyshuara lëndë plasëse e llojit TNT. Gjithashtu u gjetën edhe rreth 3 kilogramë lëndë e dyshuar narkotike kanabis sativa, e paketuar gati për shitje. Arrestimi i Vejsiut u bë për veprat penale “Prodhim dhe shitje e lëndëve narkotike”, dhe “Trafikim i lëndëve plasëse”, njofton policia.
