Një 39-vjeçar është vënë në prangat e policisë së Lushnjes, pasi qarkullonte me armë pa leje. Në pranga ka përfunduar Xheni Xhumari, banues në Lushnje. Kapja i këtij shtetasi u bë pasi në lagjen “Karbunarë e Madhe”, Lushnje, gjatë kontrollit të ushtruar në mjetin tip “Benz”, brenda në çantën e tij të dorës iu gjetën dhe sekuestruan në cilësinë e provës materiale një armë zjarri pistoletë pa leje, 1 krëhër, 14 fishekë pistolete dhe 4 fishekë arme gjahu.
Sa i takon këtij rasti, materialet hetimore iu referuan Prokurorisë pranë Gjykatës së Shkallës së Parë Lushnje, për veprat penale “Mbajtja pa leje e armëve luftarake dhe municionit”, dhe “Prodhimi dhe mbajtja pa leje e armëve të gjuetisë dhe sportive”.
