Edhe pse jemi në muajin gusht dhe shumica e njerëzve pushojnë, për trafikantët është momenti më i mirë kur biznesio i tyre lulëzon. Një sasi e konsiderueshme droge është kapur në kufi me Shqipërinë. Policia greke ka sekuestruar dy ngarkesa me marijuanë me peshë 247 kg.
Droga u gjet një automjet i braktisur në Nea Selefkia në Igumenicë. Brenda tij u gjetën dhe sekuestruan 42 pako me 144 kg 110 gram marijuanë.
Nga burime të policisë rezulton se mjeti është vjedhur në 13.07.2018 në Kordhelio-Evosmu. Vijojne kerkimet per gjetjen e trafikantëve.
Ndërkohë në Kompoti, Artë është kapur një mjet që vinte nga kufiri i gjelbër. Brenda në mjet u gjetën dhe sekuestruan 100 pako me 102 kg 593 gram marijuanë. Në pranga u vu drejtuesja e mjetit, një 52-vjecare nga Greqia dhe u shpall ne kerkim pronari i mjetit, një 29 vjecar grek.
Dyshohet se të dyja ngarkesat vinin nga Shqipëria, ndërsa autoritetet greke po punojnë për të vënë në pranga trafikantët dhe për të identifikuar bashkëpunëtorët.