Tre italianë janë vënë në pranga nga karabinierët në Padova, pasi dyshohet se kanë shfrytëzuar disa shqiptarë dhe rumunë në punë, duke i mbajtur me orë të zgjatura dhe jashtë kushteve ligjore.
Personat në fjalë, identiteti i të cilëve nuk bëhet me dije për shkaqe hetimi, mbanin shqiptarët dhe rumunët nga 11 orë, kryesisht në bujqësi, ndërsa i paguanin me 4-5 euro ora.
Gjithashtu, personat që merreshin në punë nuk iu respektohej kontrata e punës, siguracionet dhe kushtet higjieno-sanitare.
Mediat lokale në Itali bëjnë me dije se operacioni dhe hetimet për shfrytëzime në vendet e punës janë fokusuar në vende të ndryshme, si në Padova, Perugia dhe Verona.
