Altin Hazizaj, kandidat në Këshillin e Lartë Gjyqësor ka dorëzuar sot në Kuvend një kërkesë, lidhur me akuzat e opozitës se ka gënjyer në formularin e vetëdeklarimit të Dekriminalizimit.
Në këtë letër, Hazizaj sqaron se është mbajtur vetëm 43 orë në paraburgim dhe më pas është liruar.
Po ashtu, ai përmend paraqitjen e një avokati, tek i cili hedh dyshime, teksa shkruan se ai është paraqitur si i caktuar nga gazeta ku Hazizaj punonte, por nuk ka verifikuar në asnjë moment kredencialet e tij.
“Unë jam takuar me avokatin rreth 20 minuta përpara seancës gjyqësore te vlerësimit të masës së arrestit në mjediset e Gjykatës së Tiranës”, shkruhet në letrën drejtuar sekretari Genc Gjonçaj.
Me tej, Hazizaj shprehet se në asnjë moment nuk i është komunikuar ndonjë akuzë e mundshme ndaj tij, ndërsa shton se ka udhëtuar jashtë shtetit për qëllime studimi, por sërish nuk ka pasur asnjë problem për kalimin në kufi.
Postimi i Hazizaj në Facebook:
Per te gjithe miqte, shoket, koleget dhe miqte e mire gazetare, qe kane raportuar gjithe keto dite me seriozitet dhe profesionalizem ne lidhje me kandidimin tim per ne KLGJ. Sot ne mengjes, kam dorezuar dhe protokolluar prane Kuvendit te Shqiperise, letren dhe kerkesen time, ne lidhje me akuzen e padrejte dhe teper te gabuar te bere nga Prokuroria e Pergjithshme, qe me pas eshte aplifikuar per qellimet e tyre nga disa parti politike dhe politikane, qe une kam genjyer ne Formularin e vetedeklarimit. Kam renditur ne kete leter, qe po e ndaj sot publikisht, te gjitha faktet dhe rrethanat e 22 viteve me pare, ne menyre qe kurdo emri im te permendet neser gjate punimeve te Kuvendit dhe votimit qe do te behet per kete qellim, te shihni qarte se cilet jane ata qe do te genjejne ne syte tane, ne syte e njerezve te thjeshte, ne syte e profesionisteve te vertete, mbi jeten dhe kontributin ne te gjithe ne japim per shoqerine dhe vendin tone, Shqiperine. Jane ata qe e kane shpene sistemin e drejtesise buze gremines dhe qe neser do te therrasin e ulerasin po ne emer te drejtesise! LUFTA PER DREJTESI VAZHDON!
