Një tjetër rrjedhje nga radhët e opozitës. Këtë herë, kandidati në listën e LSI-së në Qarkun e Korçës, Vasil Sterjovski ka dorëzuar në Komisionin Qendror të Zgjedhjeve formularin e vetëdeklarimit, duke kërkuar marrjen e mandatit të deputetit.
Sterjovski në formular thekson se e ka ndryshuar mbiemrin nga “Sterjo” në “Sterjovski”.
Më herët, ai ka patur postin e Drejtorit të Ujësjellësit në Fshatrat të Korçës, por edhe postin e nënkryetarit të Komunës Pustec.
Ai po ashtu shënon në CV e tij se është Sekretar i Përgjithshëm i Aleancës së Maqedonasve për Integrim Europian, nga viti 2013 e në vazhdim.
