Ish-ushtruesi i detyrës së ministrit të Jashtëm në Shqipëri, Gent Cakaj ka mohuar zërat se do të garojë për kryetar të Partisë Demokratike të Kosovës.
Përmes një postimi në rrjetet sociale, Cakaj u shpreh se nuk ka si synim të bëhet pjesë e ndonjë partie politike në Kosovë.
”Një sqarim i vogël: E para, ashtu siç e kam sqaruar disa herë tashmë, unë nuk jam dhe nuk synoj të bëhem pjesë e asnjë partie politike në Kosovë. E dyta, unë jam tërhequr përkohësisht nga jeta publike deri në një vendim tjetër, për të cilin, me siguri, do t’iu njoftoj personalisht! Ju uroj çdo të mirë në ndërkohë e mirëmbeteshi. Genti”, shkruan Cakaj në rrjetin social, Facebook.
Më 3 korrik, PDK-ja do të zgjedhë kryetarin e ri, ku në garë pritet të jenë Enver Hoxhaj, Memli Krasniqi dhe Vlora Çitaku.
