Ish-ministri i Drejtësisë Ylli Manjani ka deklaruar se Samir Tahiri nuk është personi i parë përgjegjës për kanabizimin, pos sipas tij, ai është thjesht zbatuesi i projektit.
Ai tha se në krye të kësaj skeme të kanabizmit qëndron kryeministri i Shqipërisë, Edi Rama,i cili dha urdhër për kanabizimin e vendit.
“Saimir Tahiri është një zbatues politik i nismëtarëve të politikës. Kreu i kësaj është kryeministri, pasi Tahiri ka zbatuar projektin e zbatimit për kanalizimin e vendit.”-tha Manjani.
Manjani bëri deklaratë të fortë në emisionin “Opinion”, ku tha se Tahiri duhet të mbrohet si shenjë garancie për të zbërthyer skemën e kanabizimit të Shqipërisë. Për Manjanin, kjo është skema, e cila ka krijuar një imazh të keq për vendin.
“Çështja e Saimir Tahirit, është ajo që njihet si barazi para ligjit. Saimir Tahiri duhet të këtë mbrojtje, si një formë garancie për të çmontuar të gjithë skemën e kanabizimit të vendit. Kjo na ka çuar dhe futur në një hartë të zezë”-shtoi ai.
