Një ngjarje tronditëse ka ndodhur mbrëmjen e kaluar në Kamëz ku një 17-vjeçare ka plagosur me thikë kunatin e saj, (vëllain e burrit).
Sipas burimeve policore, kunati i 17-vjeçares ka shkuar në shtëpinë e saj në gjendje të dehur dhe është konfliktuar ashpër me të dhe me bashkëshortin, më pas situata ka degjeneruar në aktin e rëndë në fjalë.
Vajza ka rrëfyer në polici se kunati e ka kërcënuar me vdekje dhe sipas saj pikërisht kjo është arsyeja se përse nuk ka ndenjur duarkryq, por është detyruar që të ndërmarrë masa të forta për të mbrojtur veten dhe familjarët. E pranishme në shtëpi në momentin që ndodhi ngjarja ishte edhe foshnja e 17-vjeçares.
I plagosuri aktualisht gjendet nën mbikëqyrjen e mjekëve dhe është jashtë rrezikut për jetën, ndërsa nga ana tjetër, vajza e cila e plagosi po procedohet në gjendje të lirë.
