Prej orëve të para të ditës, ende vijon përballja e fortë mes forcave të policisë dhe banorëve të Astirit. Një prej banorëve është shoqëruar me forcë nga forcat “Shqiponja”. Por banorët e tjerë nuk e kanë lënë me kaq. Ata kanë bllokuar furgonin, duke bërë të mundur lirimin e tij.
Qytetari ka deklaruar se policët ushtruan dhunë ndaj tij, duke e qëlluar me grushte. “Kam punuar 15 vite në Angli, dhe e kam sjellë të gjithë mundin këtu në këtë shtëpi. Dhe të vijë të ma prishë ky ropq*ri”, u shpreh banori për “Fax News”.
Ai ka shtuar më tej duke thënë se kjo është hera e katërt që po tentohet që ti prishet banesa dhe lokali, ku ka mundur që të punësojë një pjesë të të afërmve të tij, që gjenden në kushte të rënduara ekonomike.
