Modelja me origjinë shqiptare, Lorena Haliti ka arritur të krijojë një sukses të madh në SHBA, pasi ka tërhequr vëmendje me bukurinë e saj.
Teksa ishte e ftuar në spektaklin “E diell”, modelja është pyetur nëse bashkëshortin e do të huaj apo shqiptar. Kësaj pyetje, Haliti i është përgjigjur se e dëshiron shqiptar, ndërsa shtoi se i ka mësuar të gjitha traditat shqiptare, duke zbuluar kështu se ka mësuar të bëjë çaj dhe pite.
“Ti je një vajzë që po jeton në Amerikë, të dashurin ose burrin si e do? E do të huaj apo shqiptar?”, e pyet gazetari.
“Shqiptar tërësisht!”, ka thënë modelja e famshme.
“Po a je e përgatitur për të pasur një burrë shqiptar, i di traditat?”, e pyet Ervini.
“Po traditat shqiptare i kam mësuar. Për shembull çajin di ta bëj, tani kam mësuar të bëj edhe piten, edhe enët di me i la. S’ka lidhje nëse je modele a jo, rëndësi ka si të ka rritur familja, kulturën edhe traditën e shqiptarëve nuk e harroj dhe nuk e lëshoj”, tha Lorena duke qeshur.
