Federata Italiane e Futbollit është në krizë që nga eliminimi i kombëtares nga Suedia në play-off të Botërorit Rusi 2018. Presidenti i FIGC, Carlo Tavecchio, ka dhënë dorëheqjen dhe akoma nuk është zgjedhur zëvendësuesi. Para asamblesë së jashtëzakonshme zgjedhore të diletantëve, që ka propozuar Kozimo Sibilian si kandidat për zgjedhjet e 29 janarit në futbollin italian, Klaudio Lotito është shprehur: “Kam 12 klube në anën time. A e kam maxhorancën? Sigurisht që po”.
Lotito, i pranishëm në asamble, është parë të flasë edhe me Damiano Tomazin, të cilit i ka thënë me shaka: “Unë nuk kandidoj, po ma kërkojnë ta bëj. Do të kandidoj, nëse do të jenë kushtet”. Numri 1 i klubit bardhekaltër, që ka si drejtor sportiv Igli Taren, ka gjasa të jetë president i Federatës Italiane të Futbollit, pasi ka një mbështetje të madhe.
