Kandidatja për kryetare e Partisë Demokratike, Edith Harxhi ka kritikuar kryedemokratin Lulzim Basha, që në vitin 2017 lidhur me vendimarrjet që ai merrte në selinë blu. Deklarata e Harxhit, u bë mbrëmjen e sotme në emisionin ”A Show”, në Syri Tv.
Harxhi tha se ishte kundër djegies së madateve dhe mospjesmarrjen në zgjedhjet vendore të vitit 2019, pasi sipas tij, këto ishin garancitë që dha Basha për tjetërsimin e votës së shqiptarëve.
Ndër të tjera, Harxhi u shpreh se nuk do të ketë bashkëqeverisje me kryeministrin Edi Rama, nëse ajo zgjidhet kryetare e Partisë Demorkatike.
Edith Harxhi: ”Unë e kam parë partinë me të njëtën lupë si në 2017 kur unë fillova që të kritikoj vendimarrjen në PD, problemet statuore, marrëveshjet e dyshimta për mua me maxhorancën dhe një seri vendimesh të tjera që janë marrë. Por natyrisht kam qenë në vendimmarrjet e fundit, dorëzimi i mandateve, mosfutja në zgjedhjet e 30 qershorit që për mua ka qenë e pafalshme, dhe garancia që dha Basha para zgjedhjeve që garantonte votën e shqiptarëve, por që nuk e mbajti. Tjetërsimi i votës së shqiptarëve që u bë para 25 prillit, është një tjetërsim që e kuptojnë të majtë dhe të djathtë.
Më erdhën socialistë para zgjedhjeve dhe më thanë që ju do fitoni, por unë u thashë që nuk shikoj frymën e 2005. Inxhinieria e votës ka qenë edhe më parë, por është sofistikuar më shumë, për shkak se ka edhe më shumë para të pista. Ne nuk nxorrëm edhe më shumë njerëz në zgjedhje. Kemi të bëjmë me humbje ciklike që vitin 2013. Në programin tim kam përfshirë programin e sovranitetit të vendimarrjes ekonomike dhe politike. Jam kundër një bashkëqeverisje me Ramën”.
