Meta që zotëron Facebook, Instagram dhe WhatsApp, ka njoftuar se do të shkurtojë 13% të fuqisë punëtore. Pushimet e para masive në historinë e firmës do të rezultojnë në humbjen e punës së 11.000 punonjësve, nga një numër prej 87.000 punonjësish në mbarë botën.
Shefi ekzekutiv i Meta, Mark Zuckerberg tha se shkurtimet ishin “ndryshimet më të vështira që kemi bërë në historinë e Metës”.
Lajmi vjen pas pushimeve të mëdha në Twitter, i cili shkurtoi rreth gjysmën e stafit të tij dhe firmave të tjera të teknologjisë.
“Unë e di se kjo është e vështirë për të gjithë, dhe më vjen keq veçanërisht për ata që janë prekur”, shkroi ai në një deklaratë.
Zuckerberg fajësoi pritjet masive afatgjata për rritje bazuar në rritjen e të ardhurave të firmës gjatë pandemisë.
“Shumë njerëz parashikuan se ky do të ishte një përshpejtim i përhershëm”, shkroi ai. “E bëra gjithashtu, kështu që mora vendimin për të rritur ndjeshëm investimet tona”.
Në vend të kësaj ai tha se “rënia makroekonomike” dhe “rritja e konkurrencës” bënë që të ardhurat të ishin shumë më të ulëta se sa pritej.
“Kam gabuar dhe marr përgjegjësinë për këtë”, tha ai.
Njoftimi i shkurtimeve të vendeve të punës pritej gjerësisht.
Zuckerberg u tha qindra drejtuesve të Meta për planet të martën, raportoi Wall Street Journal.
Burimi i lajmit: BBC. Përshtatur nga Tirana Today
