Mbrojtësi i Bundesligës, Danny da Costa përgjatë një prononcimi për gazetën gjermane “Bild” ka theksuar se sa herë që bie në kontakt me barin e fushës së futbollit lëkura i irritohet. Ai ka folur për alergjinë që ka, si dhe masat që merr në fushë, në mënyrë që irritimi i lëkurës të mos ndikojë në performancën e tij.
“Sa herë që bie në tokë dhe kam kontakt me barin, menjëherë lëkura më irritohet dhe më kruhet. Për të qenë sa më i mbrojtur, vesh gjithmonë një uniformë me mëngë të gjata poshtë fanellës. Në këmbë, kruarjet janë më të durueshme, për fat të mirë, se sa në pjesët e tjera të trupit”, ka deklaruar publikisht Danny.
