8 Maj 1880 – Vdes shkrimtari i njohur francez Gustave Flaubert
Gustave Flauber,t është cilësuar si përfaqësues kryesor i realizmit në letërsinë franceze. Ai njihet veçanërisht për romanin e tij “Madame Bovary” (1857), korrespondencën e larmishme, dhe përkushtimin ndaj stilit dhe estetikës së tij të veçantë. Shkrimtari i njohur i tregimeve të shkurtra Guy de Maupassant, ishte një nga mbrojtësit e flaktë të Flaubert.
Flaubert lindi më 12 dhjetor 1821 në Ruen. Ai ishte djali i njërit prej kirurgëve më të shquar francezë të shekullit XIX. Prindërit donin që ai të vazhdonte universitetin për drejtësi. Por nuk kaloi shumë kohë, dhe Floberin e kap një krize nervash me karakter epileptik.
Ai ndërpret studimet, dhe shkon të jetojë me prindërit në vilën e tyre të bukur Kruase afër Ruenit. Disa faktorë që e çuan në shpërthimin e forcës së tij krijuese, janë disa lidhje dashurore dhe miqësore.
Ndjenjat gjithë pasion që ushqente ai ndaj poeteshës Louize Colet, e orientuan drejt formës më origjinale dhe më të thellë te romantizmit europian, pasqyrimin e jetës duke u nisur nga vetvetja, duke shkruar më 1838 novelën e parë “Kujtimet e një të marri”, dhe më pas ”Nëntori” (1842).
Një nga miqtë e tij më të ngushtë të Flaubert , që luajti një rol thelbësor në krijimtarinë e tij, ishte dhe poeti Louis Bouillet, dhe kur ky vdiq nëë korrik 1869 autori i “Madame Bovary” do të shkruante:”Kjo është për mua një humbje e pazëvendësueshme, pardje varrosa ndërgjegjen time letrare, trurin, busullën time”.
Bouillet ishte ndërgjegjja e Flaubert, pa të cilin shkrimtari nuk do ta kishte shkruar kurrë romanet “Madam Bovary”, “Salammbo”, “Një zemër e thjeshtë” etj. Udhëtimet me frytdhënëse të Flaurbert ishin ato në Britani pastaj në Egjipt, Greqi, dhe Azinë e Vogël, ku ai pasqyroi gjithçka që përjetoi prej tyre në letrat dhe shënimet e udhëtimit.
Në vitin 1850, pas kthimit nga Egjipti, Flaubert nisi të shkruante “Madame Bovary”. Romani që i mori 5 vjet për t’u shkruar, u botua pjesë-pjesë në “Revue de Paris” më 1856. Qeveria ngriti një padi kundër botuesit dhe autorit me akuzën e imoralitetit, por në dy të fund të dy u liruan nga akuzat.
Kur ”Madame Bovary” u shfaq në formën e librit, u prit me entuziazëm, dhe mbetet ende sot një nga kryeveprat e letërisë botërore. Flaubert nuk u martua kurrë, dhe nuk pati fëmijë. Ai ishte shumë i hapur për raportet e tij seksuale me prostitutat në shkrimet e tij në udhëtimet e tij, dhe për këtë arsye vuajti nga sëmundje veneriane, kryesisht sifilizi gjatë gjithë jetës së tij.
Sipas biografit të tij Émile Faguet, afera e tij me Louise Colet ishte marrëdhënia e tij e vetme serioze romantike. Vitet 1870, qenë një periudhë kohë e vështirë për Flaubert. Ushtarët prusianë e pushtuan shtëpinë e tij gjatë Luftës së vitit 1870, dhe e ëma vdiq më 1872. Pas kësaj, ai u zhyt në një krizë financiare. Vdes nga një hemorragji cerebrale më 1880, në moshën 58-vjeçare.
8 Maj 1945 – Në SHBA dhe Britani kremtohet Dita e Fitores
Britania e Madhe dhe Shtetet e Bashkuara, kremtojnë fitoren ndaj Gjermanisë naziste. Në qytetet në të dyja vendet, si dhe qytetet e pushtuara më herët në Europën Perëndimore, u vendosën flamuj përkatës kombëtarë. Tetë maji shënoi ditën, kur trupat gjermane në të gjithë Europën u dorëzuan, duke pushuar së luftuari.
Shqetësimi kryesor i shumicës prej tyre, ishin të shmangnin kapjen nga forcat sovjetike. Rreth 1 milionë gjermanë u nisën në një eksod masiv në Perëndim, kur përfunduan luftimet në Çekosllovaki, por u ndaluan nga rusët dhe u kapën si robër. Rusët morën rreth 2 milionë të burgosur në periudhën para dhe pas dorëzimit të Gjermanisë. Ndërkohë, më shumë se 13.000 ushtarë britanikë të burgosur u liruan, dhe u rikthyen në Britaninë e Madhe.
8 Maj 1984 – Bashkimi Sovjetik bojkoton Lojëra Olimpike të Los Anxhelosit
Dymbëdhjetë javë para ceremonisë së hapjes së Lojrave Olimpike të Los Angeles, Bashkimi Sovjetik shpall bojkotin e tyre. Në njoftimin për mediat, i bërë publik në televizionin shtetëror, Moska fajësoi komercializimin e aktivitetit si dhe mungesën e masave të sigurisë, të cilat përbënin një shkelje të kartës olimpike.
Bashkimi Sovjetik, akuzoi Shtetet e Bashkuara për përdorimin e lojërave “për qëllime politike”, dhe “nxitjen e propagandës anti-sovjetike”. Në vitin 1980, SHBA-ja dhe më shumë se 60 vende të tjera bojkotuan Olimpiadën e Moskës, në shenjë proteste ndaj pushtimit sovjetik të Afganistanit
8 Maj 1788 – Mbreti francez Luigi XVI përpiqet të imponojë reformat në vend, duke shpërndarë parlamentin.
8 Maj 1886 – Farmacisti amerikan, John Pemberton, tregton për herë të parë një pije të gazuar me emrin “Coca-Cola”.
8 Maj 1902 – Në ishullin e Martinikës, shpërthen mali vullanik Pele, duke shkatërruar qytetin e Saint-Pierre, dhe duke vrarë mbi 30.000 njerëz. Vetëm një pjesë e vogël e banorëve ishullorë, arritën t’i mbijetonin shpërthimit.
8 Maj 1927 – Shënohet përpjekja e parë për të bërë fluturuar pa ndërprerje nga Parisi në Nju Jork. Fatkeqësisht, heronjtë francezë të Luftës së Parë Botërore, Charles Nungesser dhe François Coli, zhduken pak minuta pas nisjes së udhëtimit mbi avionin e tyre “Zogu i Bardhë”.
8 Maj 1933 – Mohandas Gandhi, fillon një agjërim 21-ditor të vetë-pastrimit, për të ndihmuar lëvizjen Harijan kundër sundimit kolonial britanik.
8 Maj 1945 – Qindra civilë algjerianë, vriten nga ushtarët e Ushtrisë Franceze në masakrën e Seifit.
8 Maj 1963- Presidenti John F. Kennedy, shpreh shqetësim për përhapjen e armëve bërthamore. Në një konferencë për shtyp, ai tha se të paktën 10 vende mund të pajiseshin me armë bërthamore deri në fundin e asaj dekade, në rast se përhapja e tyre nuk mund të kontrollohej.
8 Maj 1978 – Shënohet ngjitja e parë e malit Everest pa bombul oksigjeni nga alpinistët Reinhold Messner dhe Peter Habeler
8 Maj 1980 – Organizata Botërore e Shëndetësisë konfirmon çrrënjosjen e sëmundjes së lisë.
