27 Shkurt 1932 – Lind aktorja e mirënjohur Elizabeth Taylor
Liz Taylor, lindi në Londër të Britanisë së Madhe nga prindër amerikanë të pasur dhe të njohur. Taylor u zhvendos me familjen e saj në Los Angeles në vitin 1939, dhe firmosi shumë shpejt një kontratë me kompaninë kinematografike Universal Pictures. Ajo bëri debutimin e saj në ekran në një rol të vogël në “One One Born Every Minute” (1942), por Universal e përfundoi kontratën me të vetëm pas një viti.
Taylor iu bashkua me pas kompanisë tjetër të njohur kinematografike Metro-Goldwyn-Mayer, dhe pati rolin e saj të pare të rëndësishëm në filmin “National Velvet” (1944), duke u bërë një nga yjet më të njohura në mesin e adoleshenteve. Më pas kaloi tek rolet e të rriturve në fillim të viteve 1950, kur luajti në komedinë “Babai i nuses” (1950), ndërsa mori vlerësime për performancën e saj në filmin dramatik “A Place in the Sun” (1951).
Pavarësisht se ishte një nga yjet më të rëndësisshëm të Metro-Goldwyn-Mayer, Taylor dëshironte t’i jepte fund karrierës së saj në fillim të viteve 50, pasi nuk e pëlqente kontrollin e studios dhe shumë filma të cilat i jepeshin për të luajtur. Ajo luajti në dy përshtatje kinematografike të dramave të shkrimtarit Tennessee Williams:”Cat on a Hot Tin Roof (1958), and “Suddenly, Last Summer (1959)”.
Taylor fitoi çmimin Golden Globe ai Aktora më e Mirë për filmin e fundit. Ajo u pagua me shumën rekord për kohën prej 1 milionë dollarësh, për të luajtur rolin e protagonistes në filmin epik historik “Cleopatra” (1963), filmi më i shtrenjtë i realizuar deri atëhere. Gjatë filmimit, Taylor dhe protagonisti tjetër Richard Burton, nisën së bashku një lidhje jashtëmartesore, e cila shkaktoi një skandal.
Pavarësisht mohimit publik, Burton dhe Taylor e vazhduan marrëdhëniet e tyre, dhe u martuan në vitin 1964. Të quajtur “Liz and Dick” nga mediat, ata luajtën së bashku në 11 filma, përfshirë “VIPs” (1963), “The Sandpiper” (1965), “The Taming of Shrew” (1967), dhe “Who’s Afraid of Virginia Woolf” (1966). Taylor fitoi çmimin e karrierës për interpretimin në këtë të fundit.
Ajo dhe Burton u divorcuan më 1974, por u pajtuan shumë shpejt dhe u rimartuan në vitin 1975. Martesa e dytë përfundoi me divorc një vit më pas.
Në vitin 1999, Instituti Amerikan i Filmit e quajti atë legjendën e shtatë më të madhe të ekranit nga aktoret femra. Karriera e Taylor filloi të binte në fund të viteve 1960, megjithëse ajo vazhdoi të luante në filma deri në mesin e viteve 1970, kur u përqendrua në mbështetjen e karrierës së bashkëshortit të saj të gjashtë, senatorit John Warner.
Në vitet 1980, ajo luajti në disa filma dhe seri televizive, dhe u bë e famshme për promovimin e një marke parfumi që mbante emrin e saj. Taylor u angazhua ndërkohë edhe në fushatata sensibilizuese kundër sëmundjes HIV/AIDS. Ajo themeloi Fondacionin Amerikan për Kërkimet mbi SIDA-s në vitin 1985, dhe Fondacionin AIDS Elizabeth Taylor në vitin 1991.
Që nga fillimi i viteve 1990, dhe deri në vdekjen e saj, ajo iu përkushtua filantropisë. Gjatë gjithë jetës së saj, çështjet personale të Taylor ishin subjekt i vëmendjes së vazhdueshme të medias. Ajo u martua tetë herë me shtatë burra, vuajti nga sëmundje të rënda dhe pati një jetë tejet luksoze, duke përfshirë mbledhjen e njërës nga koleksionet më të shtrenjta private të bizhuterive. Liz Taylor, vdiq nga një atak kardiak më 2011, në moshën 79-vjeçare.
27 shkurt 1933 – Pas zjarrit në Reichstag, nazistët nisin kufizimin e të drejtave të qytetarëve
“Dekreti i Zjarrit i Reichstag”, njihet më së shumti i Urdhrit të Presidentit të Rajhut për Mbrojtjen e Njerëzve. Ai u firmos nga presidenti Paul von Hindenburg, si një reagim i drejtpërdrejtë ndaj zjarrit që ra në parlamentin gjerman më 27 shkurtit 1933. Dekreti shfuqizoi shumë nga liritë kryesore qytetare të shtetasve gjermanë.
Me nazistët në pozita të fuqishme në qeverinë gjermane, dekreti u përdor si bazë ligjore për burgosjen e të gjithë atyre që konsideroheshin kundërshtarë të nazistëve, si dhe për të ndaluar botimet që nuk konsideroheshin “miqësore” ndaj kauzës naziste. Dekreti, konsiderohet nga historianët si një nga hapat kryesorë në krijimin e një shteti nazist mono-partiak në Gjermani.
Për zjarrin, nazistët bënë fajtorë komunistët, disa prej të cilëve u arrestuan dhe nxorrën në gjyq.
Qeveria kreu arrestime masive të komunistëve, duke përfshirë të gjithë ata që ishin anëtarë të parlamentit. Me largimin e komunistëve, nazistët kaluan nga një shumicë pluraliste në një shumicë totalitare. Zgjedhjet e ardhshme, e konfirmuar këtë pozicion, duke e lejuar Hitlerin të konsolidonte fuqinë e tij.
27 shkurt 1854 – Kompozitori i njohur gjerman Schumann tenton vetëvrrasjen
Kompozitori i mirënjohur Robert Schumann, shpëtohet nga një përpjekje për t’u mbytur në lumin Rin. Schumann (1810 – 1856), konsiderohet gjerësisht si një nga kompozitorët më të mëdhenj të epokës romantike. Biografët e tij, thonë se ai nuk qe gjenial vetëm në muzikë por edhe një kritik dhe mendimtar, me një stil të shkruari aq të mprehtë sa edhe në muzikë.
Schumann i ndihmonte kompozitorët e rinj, duke nxitur talentin e tyre, veçanërisht Johannes Brahms, por edhe të tjerë si Shopen e Mozart. Schumann vuajti gjatë gjithë jetës nga një çrregullim maniako-depresiv. Pas tentativës për vetëvrasje më 1854-ën, ai u shtrua për kurim në një spital psikiatrik pranë qytetit të Bonit, ku u diagnostikua me “melankoli psikotike”. Schumann vdiq dy vjet më vonë, pasi refuzoi të hante, për shkak të obsesionit se njerëzit po përpiqeshin ta helmonin.
27 shkurt 1782 – Lufta Revolucionare Amerikane:Dhoma e Komunëve në Britaninë e Madhe voton kundër vazhdimit të luftës ndaj SHBA-së.
27 shkurt 1951 – Në SHBA, miratohet amendamenti i XXII në Kushtetutën e Shteteve të Bashkuara, që i kufizon presidentët të ushtrojnë detyrën e tyre në vetëm 2 mandate.
27 shkurt 1964 – Qeveria italiane, kërkon ndihmë për të parandaluar rënien e Kullës së Pizës, e cila po bëhej gjithnjë e më e pjerrët.
27 shkurt 2003 – Ish-presidentja e serbëve të Boshnjes, Biljana Plavsiç dënohet nga Gjykata e Hagës me 11 vjet burg. Ajo vuajti dënimin në Stokholm të Suedisë, dhe në bazë të ligjit vendas u lirua në tetor 2009, pas kishte kryer dy të tretat e dënimit.
27 shkurt 2015 – Në Moskë, pak metra larg Kremlinit ekzekutohet në një atentat Boris Nemtsov, një nga udhëheqësit e opozitës dhe kundërshtar i fortë i Vladimir Putin.
