15 Maj 1937 – Lind ish-sekretarja amerikane e shtetit, Madeleine Albright
Madeleine Albright, e para grua në postin e lartë të sekretares amerikane të Shtetit, lindi si Maria Jana Korbelova në Pragë të Çekosllovakisë (sot Republika Çeke). Vajza e diplomatit
çek Josef Korbelova, Albright u largua në Angli me familjen e saj, pasi nazistët e pushtuan Çekosllovakinë në vitin 1939.
Edhe pse Albright besonte se ata ishin larguar për arsye politike, kur u rrit mësoi se familja e saj ishte hebreje, dhe se 3 nga 4 gjyshërit e saj, kishin vdekur në kampet naziste të përqendrimit. Familja u rikthye në atdhe pas përfundimit të Luftës së Dytë Botërore, por emigroi në Shtetet e Bashkuara më 1948-ën, pasi një grusht shteti i sponsorizuar nga sovjetikët, solli në pushtet komunistët në Pragë.
Josef Korbelova, u bë dekan i shkollës së marrëdhënieve ndërkombëtare në Universitetin e Denverit (ku më vonë do t’i jepte mësim edhe sekretares së ardhshme të shtetit, Condoleeza Rice). Pas diplomimit në Kolegjin Uellesli në vitin 1959, Albright u martua me Joseph Medill Patterson Albright, të familjes së njohur Medill në fushën e medias së shkruar.
Me një mastër dhe doktoraturë nga Universiteti i Kolumbias, Albright shkoi në Uashington,
ku punoi si ndihmëse e senatorit të shtetit të Meinit, Edmund S. Muskie, si dhe shërbeu në Këshillin e Sigurisë Kombëtare në administratën e presidentit Jimmy Carter. Ajo dhe Joseph Albright, u divorcuan në vitin 1982.
Gjatë presidencave republikane të Ronald Reagan dhe George H.W Bush, Albright punoi për disa organizata jofitimprurëse, ndërsa dha mësim në Shkollën e Shërbimit të Jashtëm të Universitetin Xhorxhtaun. Me ardhjen në Shtëpinë e Bardhë të demokratit Bill Clinton më 1992-in, Albright e gjeti veten në qendër të rrethit më të fuqishëm të Uashingtonit.
Në vitin 1993, Clinton e caktoi atë si ambasadoren e SHBA-së në Kombet e Bashkuara. Në atë post, Albright fitoi reputacionin e mbrojtëses së drejtpërdrejtë i interesave amerikane, dhe një avokateje për një rol më të madh të SHBA-së në operacionet e OKB-së.
Në fund të vitit 1996, Clinton e caktoi Albright si pasuesen e Ëarren Christopher në postin e sekretarit të Shtetit. Si sekretare Shteti, Albright ndoqi një politikë të jashtme aktive, duke përfshirë përdorimin e forcës ushtarake, për të ushtruar presion mbi regjimet autokratike në Jugosllavi dhe Irak, midis rajoneve të tjera të trazuara.
Udhëtimi i saj në Korenë e Veriut në tetorin e vitit 2000 për t’u takuar me udhëheqësin komunist Kim Jong Il, e bëri atë zyrtarin më të lartë të SHBA-së që vizitonte atë vend. Ajo u kritikua për qëndrimin e saj të ashpër ndaj sanksioneve të Shteteve të Bashkuara kundër Irakut, që çoi në vdekje të shumta të civilëve në atë vend, dhe ushqeu zemërimin e ekstremistëve myslimanë si Osama bin Laden.
Mandati i Albright, përfundoi me zgjedhjen e Presidentit Xhorxh W. Bush në vitin 2000. Ndonëse u fol shumë se do të bëhej pjesë e politikës çeke, ajo u rikthye të jepte mësim në Xhorxhtaun, dhe u bë drejtuese e një organizate jofitimprurëse, Institutit Demokratik Kombëtar për Çështje Ndërkombëtare.
15 Maj 1886- Vdes shkrimtarja amerikane Emily Dickinson
Emily Dickinson, lindi në Amherst të Bostonit në vitin 1830. Edhe pse ishte pjesë e një familjeje të shquar për lidhjet e forta me komunitetin, Dickinson e jetoi në pjesën më të madhe të kohës e izoluar nga të tjerët. Pas studimeve në Akademinë Amherst, ajo u rikthye në shtëpinë e familjes së saj. E konsideruar si një person i çuditshëm nga banorët vendas, Dickinson u bë e famshme për veshjet e saj tërësisht të bardha, si dhe për ngurrimin për të përshëndetur mysafirët që vinin në shtëpi, apo për të dalë nga dhoma e saj të gjumit.
Dickinson nuk u martua kurrë, dhe shumica e miqësisë me të tjerët, varej tërësisht nga korrespondenca nëpërmjet letrave. Dickinson u ngujua tërësisht në shtëpi, gjatë viteve të fundit të jetës së saj. Ajo shkroi rreth 1.800 poezi, që u botuan gjatë kohës që ishte gjallë. Poezitë e Dickinson, ishin unike për epokën në të cilën ajo shkroi. Ato përmbajnë vargje të shkurtra, zakonisht nuk kanë tituj, një rimë të ç’rregullt, dhe shenja pikësimi të pazakonta.
15 Maj 1648 – Nisin bisedimet që çojnë në nëshkrimin e Paqës së Vestfalisë
Paqja e Vestfalisë, i referohet dy traktateve të paqes të Osnabryk dhe Mynster, të nënshkruara
më 15 dhe 24 tetor 1648, të shkruara në frëngjisht, dhe që i dhanë fund Luftës Tridhjetëvjeçare në Perandorinë e Shenjtë Romake (kryesisht Gjermania e sotme) dhe Luftës Tetëdhjetëvjeçare, midis Spanjës dhe Republikës së Shteteve të Bashkuara të Holandës.
Paqja e Vestfalisë, inauguroi filloi një rend të ri në Europën Qendrore, të bazuar në konceptin e sovranitetit të shtetit. Më 1806-ën, rregulloret e paktit u bënë pjesë e ligjeve kushtetuese të Perandorisë së Shenjtë Romake. Negociatat e paqes mes Francës dhe Habsburgëve, duhej të kishin nisur në Këln që më 1636ë-n, por ato u bllokuan nga Franca.
Kardinali francez Richelieu, dëshironte përfshirjen e të gjithë aleatëve në Perandorinë e Shenjtë Romake. Në Hamburg dhe Lybek, Suedia dhe Perandoria e Shenjtë Romake negociuan Traktatin e Hamburgut. Kjo u bë me ndërhyrjen e klerikut të famshëm francez.
15 Maj 1252 – Papa Innocenti IV firmos dekretin e famshëm papal ‘Extirpanda’, i cili autorizon, por kufizon gjithashtu, torturimin e heretikëve në Inkuizicionin Mesjetar.
15 Maj 1525 – Fshatarët kryengritës të udhëhequr nga pastori anabaptist Tomas Myncer u mundën në Betejën e Frankenhauzenit, duke i dhënë fund Luftës së Fshatarëve Gjermanë në Perandorinë e Shenjtë Romake.
15 Maj 1536 – Mbretëresha e Anglisë, Ana Bolena, gjykohet në Londër me akuzën e tradhtisë, kurorëshkeljes dhe incestit. Ajo do të dënohet me vdekje nga një juri e përzgjedhur posaçërisht.
15 Maj 1793 – Diego Marín Aguilera, fluturon në një avion primitiv një një distancë prej rreth 360 metrash dhe në një lartësi prej 5-6 metrash.
15 Maj 1800 – Mbreti Xhorxh III i Mbretërisë së Bashkuar, i mbijeton një atentati nga Xhejms Hedfilld, i cili më vonë u lirua nga gjykata për shkak të çmendurisë.
15 Maj 1932 – Në një përpjekje për grusht shteti, kryeministri i Japonisë Inukai Tsujoshi, vritet nga komplotistët.
15 Maj 1988 – Lufta Sovjetike-Afgane:Pas më shumë se 9 vite luftime, ushtria sovjetike fillon tërheqjen e 115.000 trupavë të saj nga Afganistani.
