Reinaldo Kalari është ndalur të flasë në një konferencë për shtyp për situatën që po kalon Partizani, kur ka ngelur edhe një sfidë para mbylljes së fazës së parë. Partizani një javë më parë është mposhtur nga Flamurtari me rezultatin 1-0, që nuk ka qenë aspak i drejtë për atë që u tregua në fushë sipas Kalarit. Partizani u duk se u rikthye pas atyre tre fitoreve radhazi, por që Flamurtari bëhet që të rikthehen polemikat për të kuqtë.
“Ndaj Flamurtarit vinim pas 3 fitoresh radhazi dhe sigurisht besonim se do të vazhdonim këtë ecuri pozitive , por në këtë takim disa gjëra nuk shkuan ashtu siç i kishim parashikuar. Pavarësisht se e dominuam lojën , kundërshtari në goditjen e parë në portë na ndëshkoj. Nuk arritëm ti shfrytëzonim pozitivisht rastet që na u krijuan. Na ven keq për situatën në të cilën ndodhemi , pasi nuk e nisëm kampionatin ashtu siç duhej. Duke parë objektivat që kemi presioni në skuadër sa vjen e rritet , gjendja psikologjike sigurisht nuk është mirë, pasi të mundesh në shtëpi është e patolerueshme . Tashmë duhet të shohim përpara , pasi ka akoma shumë ndeshje dhe të gjithë jemi të bindur që do të rikthehemi”, u shpreh Kalari.
Problemet tek Partizani kanë qenë të shumta në këtë fillim sezoni dhe një ndër kryesorët ka qenë sulmi që nuk ka shënuar shumë gola. Por edhe për faktin që sulmuesit kryesorë të tyre kanë qenë të dëmtuar dhe nuk kanë arritur ë jenë prezent në çdo ndeshje. Kalari është shprehur se ndjehet mungesa e Sukajt dhe Çanit, e për këtë arsye ne kemi vuajtur në sulm.
Nuk do ta quaja luhatje në lojë , pasi nga ndeshja në ndeshje kemi ardhur duke e rritur nivelin e lojës, kemi filluar të kuptohemi më mirë me njëri tjetrin. Ndoshta te rezultatet po , e preka edhe më parë duhet të shfrytëzojmë në maksimum rastet për shënim. Përsa i përket sulmit realisht ndihet mungesa e Sukajt dhe Çanit, nëse do ti kishim edhe ata të gatshëm për skuadrën, besoj se do të kishim një tjetër performancë dhe rezultate .
Ndaj Kamzës do të jetë një sfidë karakteri, ku ne duhet të tregojmë se jemi një ekip i madh dhe do rikthehemi tek fitoret pavarësisht se kemi pasur edhe fatin kundër në këto ndeshje.
Pavarësisht gjendjes jo të mirë psikologjike, po përgatitemi për të dalë nga kjo situatë. Duhet të japim maksimumin për ta fituar ndeshjen , kjo nuk duhet të vihet aspak në diskutim. Nga tani e në vazhdim për ne janë ndeshje karakteri dhe duhet të tregojmë që jemi po ai ekip i fortë që të gjithë njohin.
Në fund ai prek edhe çështjen me tifozët të cilët i kanë mbështetur në çdo takim por ekipi nuk ka arritur të japë atë që duhet për ti kënaqur.
Mbështetja e tifozëve nuk na ka munguar asnjëherë si në shtëpi ashtu edhe në takimet në trasfertë. Ata kanë qenë të shumtë duke na përkrahur fort dhe për këtë fakt ndjehemi keq , pasi nuk kemi arritur ti kënaqim ,- përfundon Kalari.
