Një ngjarje tragjike ndodhi pak ditë më parë në Kakavijë, ku një fëmijë 10 vjeçar ka humbur jetën duke u përplasur nga një ambulancë. Fëmija nga Lezha po qëndronte në radhë prej ditësh me familjen e tij, në pritje për të kaluar pikën kufitare, por që fatkeqësisht i ka dalë para ambulanca duke humbur jetën në vendin e ngjarjes.
Shkak i aksidentit ka qenë shpejtësia e ambulancës, që në fakt po transportonte nga Kakavija në drejtim të spitalit rajonal Gjirokastër një grua që kishte probleme shëndetësore.
Lidhur me këtë ngjarje të rëndë, kryeministri Rama thotë se shteti do të ndihmojë familjen e të ndjerit.
“Sot vendosëm që si qeveri të asistojmë familjen e të miturit që humbi tragjikisht jetën pasi i preu rrugën autoambulancës në Kakavi, me një shumë prej 500.000 lekësh të reja, duke i rishprehur dhe njëherë familjes ngushëllimet tona më të ndjera. Engjëlli i vogël u dhëntë forcë”.
Sot vendosëm që si qeveri të asistojmë familjen e të miturit që humbi tragjikisht jetën pasi i preu rrugën autoambulancës në Kakavi, me një shumë prej 500.000 lekësh të reja, duke i rishprehur dhe njëherë familjes ngushëllimet tona më të ndjera?Engjëlli i vogël u dhëntë forcë?
— Edi Rama (@ediramaal) August 17, 2020
