Vetëm një muaj ka zgjatur detyra e drejtuesit të Kadastrës në Vlorë, Jurgen Pilkapi.
Jurgen Pilkapi, pas vetëm 1 muaji e pak ditë nga emërimi si drejtori i AKSH Vlorë, ka dhënë dorëheqjen.
Kjo është dorëheqja e 7 brenda 10 muajve të fundit në Drejtorinë Vendore të Kadastrës në Vlorë.
Ashtu si gjithë paraardhësit e tij që nga shtatori e deri më tani, arsyet e dorëheqjes janë për arsye personale.
Situata në Kadastrën e Vlorës nuk është e qetë, dhe arsyet lidhen me dosjet që po punohen aktualisht nga juristët e Kadastrës. Mendohet se dorëheqjet kanë emërues të përbashkët pronat në bregdet.
