Filozofi dhe sociologu i njohur, Përparim Kabo ka shpërthyer ndaj kryetarit të Partisë Demokratike, Lulzim Basha.
I ftuar në emisionin “Debati në Channel One”, të gazetarit Roland Qafoku, Kabo tha se Basha është njeri i mbaruar dhe pa diplomë.
Madje, ai e sfidoi hapur kryetarin e PD-së, teksa tha: “Lul Basha për mendimin tim nuk është as politikan, as i ri. Është njeri i mbaruar. As mos mbani shpresë. Ai nuk ka asnjë ide nga ekonomia. E keni dëgjuar ndonjëherë të flasë për zhvillimin ekonomik të vendit? Nuk e ka marrë diplomën akoma. Ka studiuar në Holandë por hyri në rrjet, po e gjete diplomën e atij unë do vij të kërkoj falje publike”.
Ndërkohë Kabo bëri një krahasim me mjekun Hamdi Sulçe, i cili sipas tij kishte kryer studimet në Harward por këtë nuk e deklaroi kurrë.
“Kishte mbaruar Harvardin për mjekësi dhe erdhi këtu, dhe emisionin “Nëna dhe fëmija” e filloi që në kohën e Zogut. Dhe këta mburren… Për çfarë mburren këta?”
