Kuvendi i ka drejtuar letër KQZ-së, pas dorëzimit të mandatit të ish-deputetit Alqi Bllako.
Një ditë më parë, Bllako dorëzoi mandatin, duke hequr dorë nga imuniteti i deputetit për t’u përballur me drejtësinë si qytetar i thjeshtë.
Bëhet me dije se arrestimi i Bllakos është bërë me makinë civile, jo me makinë me logo të Policisë së Shtetit, ndërsa është dërguar në Drejtorinë e Policisë së Tiranës.
Ai akuzohet për “korrupsion” dhe “shpërdorim detyre”, pasi sipas SPAK, ai ka përfituar mbi 14 milionë lekë duke falsifikuar dokumente shpronësimi për një tokë që nga arë e ktheu në truall, mbi të cilën do ndërtohej inceneratori i Fierit. Kjo shkelje, thotë Prokuroria e Posaçme, është bërë në bashkëpunim me ish-ministrin e Mjedisit Lefter Koka dhe kryetarin e shpronësime, Pëllumb Abeshi.
