Conor McGregor pas humbjes në duelin e madh që pat me Khabib Nurmagomedov në UFC 229, duket se do ta ketë të vështirë të zbresë sërish në kafaz. Trajneri i irlandezit, John Kavanagh thotë se McGregor duhet ta bindë me arsye të forta që ai t’i japë miratimin për t’u ndeshur sërish në ring pas asaj humbje ndaj luftëtarit rus.
“Ai duhet të më bindë mua që të shkoj sërish. E dua atë. E dua gjithë rrugëtimin tonë që kemi patur, por tani më duhet një ‘pse’ e fortë”, tha fillimisht trajneri i Mcgregor.
“Mund të jetë Nate Diaz përsëri sepse ai premtoi atë ndeshje. Mund të jetë një revansh me Khabib. Nëse i thonë që duhet të ndeshet sërish, unë thjesht do t’i uroj fat. Por ai duhet të dijë se ka një grua dhe dy fëmijë tani dhe nuk dua që të marrë goditje të tjera”, shtoi Kavanagh.
Ndërsa ai sqaroi se Khabib ka marrë goditje të forta nga Khabib, aq sa nuk është goditur asnjëherë përgjatë jetës së tij. McGregor debutoi në UFC 5 vjet më parë dhe që atëherë është bërë sportisti më i njohur në MMA, por jo vetëm. Ai është kampion bote për peshat e lehta.
