Një foshnje që ka lindur pa sy, është braktisur nga nëna e tij menjëherë pas lindjes. Aleksandri i vogël, i cili njihet edhe si “Sasha” ka lindur pa sy, si pasojë e një problemi shumë të rrallë gjenetik.
Sasha ka dy kiste beninje në ballin e tij, të cilat do të hiqen së shpejti. Mendohet se vogëlushi rus vuan nga një formë ekstreme e sindromës së rrallë të Anolftalmias SOX2, e cila prek një në 250 mijë foshnje të sapolindura.
Sipas mjekëve rusë, ai është një ndër tri foshnjet e vetme që kanë lindur pa sy në të gjithë botën. E ëma kishte vendosur para lindjes se do të hiqte dorë nga fëmija, sepse ajo nuk ndihej e sigurt për ti dhënë atij të gjithë ndihmën që do t’i duhej.
Për fat të keq, Sasha nuk do të ketë kurrë mundësinë të shohë. Një infermiere e cila kujdeset për djalin gjashtë muajsh tha: “Ai nuk është ndryshe nga fëmijët e tjerë, ai luan dhe buzëqesh ashtu si çdo fëmijë i shëndetshëm. Atij i pëlqen të luajë, dhe adhuron notin. Ai është vërtet një fëmijë shumë i gëzuar”.
Mediat e huaja shkruajnë se ende nuk ka një informacion për babanë e Aleksandrit.
