Zgjedhjet brenda Partisë Demokratike nuk do e përçajnë atë, por do e bëjnë më të fortë. Kështu shprehet sekretari organizativ i PD-së, Enno Bozdo.
“Sikur ne mos të kishim garë, kjo do të jepte shenjat e një organizate që është në fjetje. Por ka garë”, tha Bozdo.
Sipas Bozdos, procedura e zgjedhjeve të brendshme në parti është bërë ne bazë të statutit të ri, që ka marrë miratimin e anëtarësisë. Teksa pranon mendimet ndryshe për zhvillimin ose jo të zgjedhjeve, Bozdo thotë se vendimi për t’i zhvilluar ato tani është më i drejti.
Synimi i të gjithë këtij procesi sipas Enno Bozdos është që Partia Demokratike të dalë përpara shqiptarëve me një alternativë të qartë dhe të besueshme përballë një qeverie të korruptuar dhe të lidhur me krimin.
Proceset zgjedhore për të zgjedhur kryetarët e partisë demokratike në rrethe sipas një urdhri të Lulzim Bashës do të mbahen nga data 23 nëntor deri më 2 dhjetor, për t’i hapur rrugë më pas Kuvendit Kombëtar.
Pse rrogat rriten në letra, por varfëria rritet në realitet?
